安雅希粉絲聚會獲孫玥撐場 被媽媽及粉絲感動「水煲」爆發

喺歌唱節目《中年好聲音2》中獲封大魔王嘅安雅希，雖然最終未能打入三甲，但係憑佢充滿爆發力嘅重低音獲得一大班粉絲。安雅希呢日舉行粉絲聚會，同歌迷打成一遍，而喺人群之中，暗藏咗一位曾經喺體壇舉足輕重嘅人物，亦係90年代時期好多人嘅偶像，由安雅希親自介紹呢位前中國女排國家隊隊長孫玥，佢仲導出兩人相識經過以及點解會嚟撐場。

除咗孫仴呢位重要人物之外，安雅希一生中最重要嘅人媽咪都係席上客，兩人嚟個母女合唱《梨花頌》，令觀眾聽得陶醉，安媽媽更大讚女兒唱功優秀，叫佢繼續加油，令安雅希感動落淚。

安雅希唔止講起父母好眼淺，見到粉絲們超級支持自己佢都一樣激發到自己淚點，獻唱時忍唔住喊到唱唔到落去，經Fans熱烈鼓勵後，安雅希先可以回復狀態獻唱。當佢知道有Fans由外地專程返香港支持，安希雅又再次感到到想喊，難怪佢自己都話「水煲」又忍唔住了。