拍檔廚房丨龔嘉欣迎戰住家廚神黎諾懿 顧紀筠顏志恒任評判要求嚴格

全新節目《拍檔廚房》又有機會畀一班鍾意下廚嘅藝人大展廚藝，呢集接受挑戰就有近年開咗幾間甜品店嘅龔嘉欣，仲有「住家廚神」之稱嘅黎諾懿，佢哋分別孖住大廚一齊迎戰，誘惑一眾評判嘅味蕾。

曾志偉呢日現身錄影廠為大家打氣，龔嘉欣好感謝大廚喺百忙之中抽空亮相，喺煮嘢食時間互相補位作最強後盾，而諾懿就擔心拖累拍檔，謙稱下廚知識貧乏。

方力申呢次拍住黃翠如主持節目，小方多年後再做飲食節目，笑指對上一次試食係18年前拍《美女廚房》，翠如則大讚公司同事廚藝了得，佢好欣賞諾懿廚藝，覺得對方有開餐廳嘅條件；顏志恒同顧紀筠等擔任評判，兩位對食嘢好有研究，顏志恒對菜式味道要求嚴格，認為創意同擺盤同樣好重要。