神耆小子｜鄭則士有錢賺耐熱力特高 樊亦敏日日萬歲不捨煞科

劇集《神耆小子》大團圓結局，飾演錢大海嘅鄭則士(Kent哥)唔單止同屋企人解開心結，溫馨共處，同愛人Rose姐(樊亦敏)更加關係昇華。大結局其中一幕戲Kent哥、冼靖峰(Archie)、樊亦敏(Amy)、吳子冲成班人大熱天時通山跑，去搵Kent哥整唔見咗Amy隻愛犬，喺酷熱氣溫下拍外景，Kent哥笑言有劇拍有錢賺，一啲都唔辛苦，覺得熱咪做好啲快啲拍完收工，係佢幾十年來嘅經驗之談。

相反Amy就出動法寶幫自已降溫，又自爆佢同Kent哥為劇組準備咗個零食箱，每逢晚上夜深大家都會口痕搵嘢食，所以整個劇組都好開心，話咁快就拍攝完畢令Amy好唔捨得。

見Archie身穿長衫長褲上陣，面對咁熱嘅天氣，佢話最重要係「心靜自然涼」，仲懂得自我安慰指長衫長褲包到實可以防止蚊咬都幾好咁話。