Gin Lee自身經驗勉勵同學發展 新歌講情緒勒索勾外界共鳴

李幸倪 呢日為一個傑出學生選舉擔任嘉賓，又為同學分享經驗勉勵大家，唔止喺現場為大家唱歌，仲落台同大家近距離接觸。事後佢仲指年青人係未來嘅希望，所以每次到訪學校見到朝氣十足嘅學生都會特別開心咁話。

Gin Lee又話希望為年青人成長時提供鼓勵，而大學年代因為希望減輕家人負擔，佢大學時期亦非常積極爭取得獎，最後仲成功奪冠成為全國冠軍。近日推出以情緒勒索為新歌主題嘅佢，話人生總會遇到否定嘅意見同聲音，希望大家可以堅持己見搵到出路，令唔少人都有共鳴呀。