林明禎生日首辦生日會與Fans共慶 狂捱病倒現身重見艷光

可以話無處不在，廣告、電影周圍都會見到佢嘅 林明禎 早前因為身體不適而宣佈要暫停所有工作休養。而星期六踏入34歲嘅佢，近日就指自己康復進展良好，亦已返港同Fans舉行首次生日會一齊慶祝。

呢日明禎同支持自己嘅Fans逐一合照又傾偈，而大家仲送上榴槤蛋糕，為來自大馬嘅佢解思鄉之苦。至於一直感情非常緊密嘅姐姐同兩個細佬，亦Post出四姊弟齊齊梳洗嘅私照，關係親密盡在不言中

明禎呢日笑容依舊，經過休息之後容光煥發。由網上紅到現實世界嘅明禎，，佢嘅甜美笑容加上性感身材同搞笑功力，成為近年電影界紅人，不過拍戲演出之餘，又要不時飛到唔同地方拍攝廣告同各項活動，成為各界寵兒，佢早前就喺香港租屋方便發展，工餘又必定會同家人外遊共聚，又乖又孝順。