陳靜迷倒Benz雄有原因 狂迷運動集齊腹肌蜜桃臀

喺《家族榮耀之繼承者》令 許紹雄 神暈顛倒；由基層一躍而成丘家大少奶嘅 陳靜 ，劇中奮力擺脫舊生活一舉而成為大家族夫人，而日常生活中嘅Dada，就一樣為健康同完美身材時刻鍛鍊，操出一副驚人無敵Body。

Dada近年沉迷運動，令佢一身好身材更Fit

近年沉迷運動嘅Dada，社交平台充滿大量操練唔同運動嘅靚相，無論係行山、越野單車、Gym嘅各式器械講得出都有，而有如朱古力一樣嘅腹肌同人魚線就當然唔少得啦。

定期運動除咗對身心健康，更重要係有更多打卡靚相

以Model身份入行嘅Dada，當年因為好身材而成為各界焦點，後來轉攻演員之路，演出唔同影視作品，仲以《低俗戲劇》嘅演出勇奪金像獎最佳女配角，近年則向演技型角色發展，喺《家族榮耀之繼承者》中，佢同二少奶 余安安 嘅之後嘅鬥爭，亦將展現令佢深沉一面嘅演技。

Dada近年演出多部唔同類型嘅電影，亦係唔同電影節活動常客

大少奶Dada同阿佘之間嘅關係，之後會點發展呢？