楊丞琳40歲牛一遭老公毀容 Post搞笑留鬚相兩公婆互動甜到漏

楊丞琳 6月4號度過40歲生日，老公 李榮浩 連續第10年準時凌晨零時零分，喺微博出post祝福老婆生日快樂放閃，不過今舞佢就將老婆毀容，貼出咗一張改圖留鬚相，令大家擔心佢會被老婆扭耳仔，點知Rainie唔單止唔嬲，仲回應「哈哈哈哈哈，我最愛的童顏鬍子濾鏡」，兩公婆嘅互動真係勁sweet！

今日踏入40歲嘅楊丞琳，照舊同老公李榮浩網上放閃

正喺內地舉行巡迴演唱會嘅楊丞琳，6月1號提前喺安徽合肥舉行生日特別場，查實Rainie揀呢個地點提早慶生有原因，因為老公李榮浩係安徽蚌埠人，所以佢都算喺老公家鄉過生日，演唱會結束後，佢又喺社交平台留言：「謝謝合肥，我感受到前所未有嘅熱情。我知道，你們想要讓我聽見，我是被愛的。我感受到了，我也愛你們！」

李榮浩一搭正零時零分就貼出老婆改圖

而喺生日當日一踏入零時零分，Rainie就喺微博上載演唱會嘅精彩片段，多謝歌迷同工作團隊：「生日快樂這幾個字很簡單，但要做到真正的快樂，其實不容易。謝謝有你們，讓我的生日快樂。」
佢日前仲特別選擇於老公家鄉開生日專場