鄧智偉定居北京首辦音樂會 邀薛凱琪任嘉賓妏變相傷害

近年家居北京嘅 鄧智偉 日前於當地首次舉行音樂會，佢仲為呢次演出準備了全新主題同新歌，更邀請相識多年嘅好友 薛凱琪 擔任神秘嘉賓，為現場觀眾帶來驚喜。

定居北京數年嘅鄧智偉圓夢於當地舉行音樂會

今次喺北京舉辦音樂會，對鄧智偉嚟講意義非凡，除咗因為北京係佢近年生活嘅地方，亦係令佢重拾樂隊夢嘅土地。原來喺北京開唱係佢嘅開啟內地音樂事業嘅目標之一，呢次一踏上舞台就令佢有夢想成真嘅感動。

鄧智偉為觀眾演出多首歌曲

呢次演出佢先後演出咗《續集》、《最後祝福》、《呼吸有害》等多首經典劇集歌曲，更首唱新歌《在我們隕落之前》。

薛凱琪應邀擔任智偉嘅特別嘉賓
舊年嘅巡迴演出鄧智偉都係以《此時此刻》作為最後一首表演歌曲，不過今次佢就邀請到原唱 薛凱琪 驚喜現身，兩人除咗首次同台合唱《此時此刻》之外，又合唱咗改編版《海闊天空》。佢事後指自己甚少改編他人歌曲，今次係特別為Fiona而製作，一齊向BEYOND致敬。兩人喺台上又互相催婚，Fiona更回應自己尚後生，冇智偉咁急，令台下觀眾哄堂大笑。