麋先生 宇宙人 TIZZY BAC台灣三大樂團集結香港開騷 暑假連環Rock爆夏天

麋先生 宇宙人 TIZZY BAC台灣三大樂團集結香港開騷 暑假連環Rock爆夏天

台灣樂團宇宙人、TIZZY BAC、麋先生即將喺7月集結香港,舉行一連三場音樂盛會,一次過為香港樂迷送上三倍快樂,Rock爆夏日。門票將於6月12日中午12時於Cityline購票通公開發售!
 
宇宙人

三場演唱會由台灣第34屆金曲獎最佳樂團宇宙人喺7月25號打頭陣演出,呢次亦係三子繼上年香港場演唱會後,相隔15個月重回香港。香港站消息一出,唔少樂迷都留言表示期待,亦約定三子不見不敬。呢次更會為大家帶嚟小巨蛋濃縮版嘅精華演出,以及首次喺香港公開演唱同麋先生合作嘅新歌「你在哪裡」。宇宙人亦會以新舊經典歌曲互相交替,同樂迷穿梭成團20年嘅進化之路。
 
TIZZY BAC

7月26日嘅第二場,就由牢騷系樂團的TIZZY BAC(鐵之貝克)接力!雖然TIZZY BAC曾經喺2013年短暫休團,但喺過去十年已經重振旗鼓。呢次亦係佢地相隔十一重返香港開專場演唱會,令唔少香港樂迷都期待萬分。TIZZY BAC亦表示:「非常期待,因為去年來香港的時候,有些歌迷沒有遇上,他們的留言我們都收到了,於是今年就來了。」
 
麋先生

壓軸第三晚演出嘅就係曾奪得台灣金曲獎最佳樂團獎嘅麋先生,呢次亦同樣係佢地首次喺香港開專場演唱會。麋先生一直以詩意同迷幻風格俘虜樂迷心,主唱吳聖皓嘅獨特聲線同充滿爆發力嘅演出,簡直就係演出魅力所有。喺最後一夜,麋先生五位團員將會化身優雅美男子傾力演唱,他們亦號召香港樂迷:「長成什麼樣子叫愛情?長成什麼樣子叫壞蛋?都是浪漫惹的禍,嗜愛動物第一次香港集結令!」
台灣樂團宇宙人、TIZZY BAC、麋先生即將喺7月集結香港,舉行一連三場音樂盛會。

 相關推薦

熱門搜尋