10位中一生影造型照製作打卡位 吳大強展新潮唱功 龍婷支嚳儀組跳唱女團

《中年好聲音》10位唱將周吉佩、羅啟豪、龍婷、魏嘉信、支嚳儀、吳大強、顏志恒、李佳、林鉫徫及丁文俊準備喺6月尾舉行兩場演唱會，呢日佢哋齊集影造型照，製作大型打卡位，向粉絲派特別福利。

呢次10個粉絲後援會破天荒聯乘，佢哋承諾喺個騷有突破，大強將展示新潮唱功，喊包三兄弟有望重現一齊喊嘅畫面，喺一周年回顧一下，而羅啟豪、李佳、林鉫徫及顏志恒屆時以四人團作無伴奏演出一展靚聲；龍婷同支嚳儀就組跳唱女團，預告勁歌熱舞擺脫懷舊風格，由古代去到未來。