高海寧邀父母補拍婚紗相達成心願 被粉絲催婚即反問：冇男人唔得呀？

高海寧（高Ling）早前獲邀與容祖兒（Joey）、蔡卓妍（阿Sa）及鍾欣潼（阿嬌）主持嘅旅遊節目做嘉賓，高Ling父母亦獲邀上節目影婚紗照，更由Joey佢哋幫手化妝。高爸爸攬住老婆合照非常恩愛，高Ling感動稱達成心願，幫父母補拍婚照。

高Ling感動稱達成心願，幫父母補拍婚照。

37歲高Ling最近喺內地工作忙不停，目前又忙緊拍新劇「武林」，仍然抽時間開直播跟粉絲傾吓偈，佢透露將喺南京出席活動，已邀請婆婆到場支持，呢次回鄉佢最想食醉蟹，點知有唔少粉絲「催婚」，追問高Ling幾時拍拖結婚，搞到高Ling聲線調高8度回答：「點解係人都問我幾時結婚？點解一定要結婚？冇男人唔得呀而家。」其實高Ling入行多年，甚少公開提及感情事，當年佢同鄧智偉嘅緋聞傳足5年，直至鄧智偉被爆背高Ling偷食，高Ling先喺社交平台承認前女友身份。
高Ling父母亦獲邀上節目影婚紗照，更由Joey佢哋幫手化妝。唔少粉絲「催婚」，追問高Ling幾時拍拖結婚。