佘詩曼笑稱想反串做男主角 最想扭轉以雞仔聲演《雪山飛狐》歷史

被譽為「港劇女王」嘅佘詩曼，早前為一個珠寶品牌拍攝廣告，期間講到自己嘅做人態度，阿佘表示：「不想千篇一律，希望每個階段都有所突破。在事業上，一定是always more，把握機會，先會有突破。」
佘詩曼重提當年以雞仔聲演《雪山飛狐》一事。
阿佘唔同時期飾演嘅角色，都為觀眾留下深刻印象，回顧唔同階段嘅自己，佢形容自己就好似呢次拍攝嘅七巧板概念一樣，從未被任何框框所局限，時刻追求自我超越，發掘自己唔同嘅面向。而喺拍攝期間，阿佘被問到如果可以時光倒流，佢最希望重來嘅時刻？阿佘笑言：「我最想再演一次《雪山飛狐》，試下唔用雞仔聲嚟演。」
佘詩曼時刻都追求超越自己。

去年憑《新聞女王》霸氣Man姐一角，令阿佘嘅人氣再提升到一個新高度，正值事業高峰期嘅佢，坦言絕不會因此而滿足：「高峰可以不止得一個，還可以一山還有一山高，而是 MORE to come！正如這一刻的我，最想試一些我未做過的角色，即使反串做男主角都可以。」

阿佘笑言想反串演男主角。