吳鎮宇新片首映獲兒子Feynman捧場 青雲未能迎合IG派福利潮流

劉青雲同吳鎮宇相隔19年再合作拍新戲呢日舉行首映，戲中演員苗僑偉、鄭則士、周文健及洪天明等現身，鎮宇兒子Feynman亦有嚟捧場，15歲Feynman暴風式成長，原來佢係嚟一睹偶像青雲嘅風采。

講到Feynman不時擺惡搞爸爸嘅相上網，鎮宇完全嬲唔落，笑指好耐冇見阿仔，仲話阿仔係上網先留言講，多數係講壞話，身旁嘅青雲代答「虎父無犬子」，鎮宇無奈稱平時整蠱得阿仔多，阿仔而家有機會還手，青雲讚Feynman有自己嘅幽默。

一眾演員喺首映後入戲院跟觀眾對話，青雲笑言未能迎合IG派福利潮流，自己冇IG又冇肌肉，青雲爆鎮宇唱歌得㗎，鎮宇就話商演一展歌藝係需要收歌酬！