Steven投身建造業曬註冊證及平安卡 跟吳浩康轉行當地盤工養家

張致恆（Steven）與老婆雯雯近年負面新聞不絕，兩公婆更不時喺網上呻冇錢，要搵即pay嘅工，早前Steven有機會登台演出收騷錢後，疑有債主再次追數，今日Steven喺社交平台貼出工人註冊證及平安卡，加入職工真漢子！
今日Steven喺社交平台貼出工人註冊證及平安卡，加入職工真漢子！

查實吳浩康（Deep）自離巢英皇後，「轉行」當地盤工兼職做歌手養家，又自爆屋企開支大，每月花費5萬。朋友Steven而家亦成為同行，未知Deep會唔會介紹到新工畀Steven!

吳浩康（Deep）「轉行」當地盤工兼職做歌手養家。老婆雯雯日前抱怨Steven曾搵到新工，卻諸多藉口唔肯見工，直接對方「廢」。

至於Steven老婆雯雯日前抱怨Steven曾搵到新工，卻諸多藉口唔肯見工，直接對方「廢」，又指「其實根本就係揀工，永遠一堆廢話解釋自己點解冇錢」，網民估Steven辭咗茶餐廳份工，再次淪為失業大軍；雯雯今日亦喺社交平台再次呻每日為生活左諗右諗，又指「天真嘅人先會覺得登台代表發達、代表可以翻身」，仲話佢哋要為奶粉同交租咩方法都要行。呢次Steven似乎投身建造業，未知改唔改善到屋企生活！

早前Steven有機會登台演出收騷錢後，疑有債主再次追數。雯雯今日亦喺社交平台再次呻每日為生活左諗右諗，又指「天真嘅人先會覺得登台代表發達、代表可以翻身」。