姚焯菲曬開心滑雪相獲讚好型好可愛 應考IB壓力大曾爆喊得鍾柔美Windy支持

17歲姚焯菲（Chantel）喺新西蘭求學兩年，同時學業及歌唱事業，轉眼完成中學生涯，今年Chantel最重要係考IB及應付大學入學試，目標去美國或英國升讀大學，今日Chantel喺IG貼出開心滑雪相。
今日Chantel喺IG貼出開心滑雪相。

「小菲象」大讚Chantel滑雪裝好型好可愛，又話Chantel素顏塊面好QQ。

事緣Chantel日前喺社交平台貼出喊相，疑準備升學壓力大，鍾柔美（Yumi）、張馳豪（Aska）、詹天文（Windy）及林沚羿（Venus）分別留言鼓勵Chantel，Windy表示發洩情緒係好事唔好壓抑住，雖然Chantel有分享喺新西蘭校園生活照，睇得出佢同師生相處充滿和諧愉快嘅氣氛，不過一眾「小菲象」見到小公主喊，難免有少少緊張。
Chantel日前喺社交平台貼出喊相，疑準備升學壓力大。Chantel應考IB壓力大曾爆喊，鍾柔美及Windy等《聲夢》好友紛紛留言支持。

Chantel今日喺IG貼出玩snowboard嘅相，「小菲象」大讚Chantel滑雪裝好型好可愛，又話Chantel素顏塊面好QQ，睇見小公主玩得開心，一班「小菲象」都放心晒，Chantel早前預告7月回港，屆時又可以同「小菲象」相聚。

姚焯菲喺新西蘭求學兩年，同時學業及歌唱事業，轉眼完成中學生涯。

Chantel之前講過希望喺美國或英國升讀大學，想修讀工商管理或與音樂有關嘅科目，佢坦言未知將來會做啲咩職業，目的亦唔係為咗賺好多錢，所以大學選科必定係興趣科目優先。
Chantel計劃喺美國或英國升讀大學，想修讀工商管理或與音樂有關嘅科目。