關楚耀布吉補辦婚宴 網紅妻曬幸福被評鼻影太濃

關楚耀去年向拍拖6年嘅網紅女友Joann求婚，佢哋11月註冊結婚，今年先喺布吉舉行婚禮，邀請親友出席，Joann不時喺社交平台分享生活日常，而且啲相更有P圖痕跡，有時樣子似「進化」。

新娘Joann被網民批評鼻影太重手出事，有網民更截圖稱妝容有啲嚇人。

Joann早前喺社交平台上載「最後我嫁給了男明星」為題嘅影片，開心share婚禮當日過程，點知新娘Joann被網民批評鼻影太重手出事，有網民更截圖稱妝容有啲嚇人，亦有唔少網民讚新娘子靚。

有網民覺得新娘真實個樣好睇，比平常P圖更美。

Joann亦有回應稱當日真人好看，每個賓客都讚，有可能係燈光問題，又強調自己本身識化妝，若果真係鼻影太濃，佢都唔ok，又指「真人真係ok」；至於有網民問關楚耀契爺譚詠麟點解冇喺婚禮現身，Joann就解釋契爺有工作，喺香港已經敬咗茶食咗飯，佢更霸氣叫網民「你少操心」。 
Joann不時喺社交平台分享生活日常，而且啲相更有P圖痕跡，有時樣子似「進化」。

有網民問關楚耀契爺譚詠麟點解冇喺婚禮現身，Joann就解釋契爺有工作。