大馬爆紅新片香港公映 中聲唱將現身爆睇戲小習慣

馬來西亞一部以反貪為題材嘅新片近日大收，新作呢日於香港公映，吸引 龍婷 支嚳儀 李佳 涂家堯 等《中聲》唱將，仲有 盧惠光 陳庭欣 敖嘉年 同 龔柯允 等入場欣賞。

早前推出新歌嘅Venus，呢日話入行後甚少時間入場，不過早前同老公拍拖睇戲，估唔到就激嬲屋企嘅小情人喇。佢解釋話當日因為欣賞武打片所以未能帶佢同行，但係小朋友就因而呷醋，非常搞笑。而龍婷就指自己非常鍾意睇戲，唯獨科幻片自己就完全投入唔到喇。

除咗題材之外，龍婷為保護靚聲，近幾年睇戲都戒食爆谷，連薯片等零食都唔敢掂，佢哋仲話為準備演唱會更加要好好保養，到時先會有最佳狀態咁話。

至於李佳原來係超英迷，不時都會同小朋友齊齊入場睇英雄大戰，仲話因為要親子所以有唔少研究喎。而Gavin就自爆係動作片愛好者，但係雄糾糾嘅佢就對鬼片同動物主題敬而遠之，因為擔心太恐佈或者太感人咁話呀。

一班中二生呢日都齊齊入場，王玥就指要把握時間同大家好好一聚，因為現時各有各忙甚少時間見面呀。而龔柯允近日正籌備入行14年來首張廣東大碟，仲去到歐洲拍攝MV，仲視新作好似自己嘅BB一樣呀。