樊亦敏坦承健康問題難懷孕 曾因此而多段令戀情告終

樊亦敏Amy 呢日接受梁泰來嘅電台節目訪問，大談自己港姐入行後，如何面對患上免疫系統病，導致甩髮及嚴重過敏嘅長期困擾，同時亦分享因為事業而令自己多段感情無法開花結果。
Amy因為三太一角而成功入屋。
現年53歲嘅Amy，喺大約16歲時就已經拍過經典嘅檸檬茶廣告，之後來喺日本留學期間，暑假回港時應母親要求而參選港姐，Amy話：「因為我細個自閉，唔識同人講野，阿媽思想比較前衛，想我學習同人相處。」雖然賽前被封大熱，但最終Amy只摘「最上鏡小姐」，對此佢笑言：「攞到最上鏡之前我諗過係冠軍㗎！」Amy指當年參選港姐令自己眼界大開，仲可以同郭富城、黎明去瑞士拍外景。
Amy開腔大談與富豪嘅緋聞。
成日都有傳聞指參選港姐後會有唔少富商追求，而Amy亦曾被指曾跟已故羅姓富商交往，對此Amy表示：「參選港姐會接觸較多廣告商，而這些廣告商，大多是經濟地位比較好，因為我未婚，啲人見到我成日同呢啲人食飯，就會有緋聞嫌疑，都唔可以怪人。」
樊亦敏坦言自己因身體問題難懷孕。
講起緋聞，Amy先後曾傳出與吳京、何寶生拍拖，而喺節目中佢直認曾與圈中人拍拖：「我的確有同圈中人拍過拖，都係正常男女互有愛意，都會正常計劃是否組織家庭。」但對於戀情最終無緣開花結果，Amy指某程度上都同佢嘅健康有關：「我識到的另一半都好奇怪，都有共通點，不是家中的獨子，就是屋企長子。響我嗰代，社會風氣認為佢地要負責傳宗接代。但由於我身體唔好，生小朋友會有問題，甚至係非常之難做到，亦因我身體狀況難生小朋友，畀唔到對方想要嘅嘢，我會諗，佢係咪會有其他選擇呢。始終結婚唔止兩個人，係兩個家族嘅事。」
Amy早年仗義為意外中風癱瘓嘅劉家輝追討逾百萬財產。而家單身嘅Amy表示對感情事十分隨緣，佢直言而家更重視自己對社會嘅貢獻，提起早年仗義為意外中風癱瘓嘅劉家輝追討逾百萬財產，但事件曾被外間揣猜佢哋嘅關係，對此Amy說：「最初啲人以為我一定同師傅有啲嘢，你先會走去幫佢，好難怪人，有啲人真係會咁諗嘢。而家事實證明，我唔一定係師傅邊個先會幫佢，成為呢件事嘅焦點係意外，純粹有一大班朋友幫手，當中有律師、醫生，只有我一個係圈中人，就變成焦點，成件事我唔敢居功。」