眾星參與周禮茂作品展 軒公爆以德國特種兵式操肌

一個電台舉辦咗「周禮茂作品展」， 張敬軒 陳慧琳 楊千嬅 周吉佩 胡鴻鈞 冼靖峰 詹天文 鍾柔美 林智樂 孫漢霖 林奕匡 葉巧琳 黃淑蔓 周子涵 余宗遙 黃明德 等都有參與演繹周禮茂昔日嘅經典作品。

作為壓軸嘉賓登場嘅軒公，先後唱出《靜夜的單簧管》同埋《邊緣回望》，軒公話自己一直受周禮茂嘅作品影響，因為一次機緣巧恰，佢提議周禮茂舉行作品展，於是就促成呢次嘅「首部曲」，而嚟緊周禮茂亦計劃物色更大嘅場地再辧作品展。呢排軒公話自己好努力咁操弗身形，亦開始見到成效，佢仲爆自己宜架係以德國特種兵式操練，絕對係好認真架。

另一位嘉賓Kelly演出時，就遇到音響頻頻故障，不過，Kelly就表現得相當淡定，完成無受影響，佢為樂迷送上三首經典作《有福氣》、《一切很美只因有你》以及《風花雨》，Kelly仲話《風花雪》嘅歌詞，好淒美，令佢相當難忘。

而千嬅就演繹咗陳奕迅一曲《傷信》，同埋首度公開演繹佢嘅舊作《乾脆》，相隔咁多年再演唱呢首歌，千嬅話感覺層次已經大不同。至於嚟緊暑假就到，千嬅就話一早已經安排好囝囝夏令營，而自己就趁呢段日子好好休息下。
而一班新生代歌手，好似聲夢家族嘅冼靖峰、Yumi、Windy、Felix、火雞仲有黃明德就一齊合唱《Today》，而Archie就演繹華仔嘅《獨自去偷歡》以及聯同Yumi同Windy合唱《忘情森巴舞》等，佢哋都話好榮幸可以參與演出，並對周老師嘅作品有更深嘅認識。

至於周吉佩、林智樂同埋余宗遙就一齊合唱《講多錯多》、而吉吉再深情演繹安仔嘅《男人最痛》、胡鴻鈞就同林奕匡合唱《沙沙的雨》，啱啱完成大馬演唱會嘅Hubert都話好開心，仲大讚當地粉絲熱情，而嚟緊將會舉行中一演唱會嘅吉吉，就話呢排都好努力備戰，希望有所突破呀。

Sammi鄭秀文雖然人無到，但佢就錄咗一段片，感謝周禮茂為佢寫咗好多經典作品，而呢晚佢同葉蒨文首《談情說愛》就由黃淑蔓、周子涵合唱，而Windy就演繹一曲《煞科》，別有一番味道。