徐若瑄為小野麗莎巡唱擔任嘉賓 以親筆信向對方解說歌曲背後故事

日本「Bossa Nova 女王」小野麗莎 Lisa Ono 嘅35週年世界巡迴演唱會日前嚟到高雄站，佢請嚟徐若瑄Vivian擔任嘉賓。之前Vivian曾經講過可以同小野麗莎合體演出實在太夢幻，仲話對方話唱咩歌就唱咩歌，但佢估唔到小野麗莎揀嘅兩首合唱歌，都係Vivian自己嘅歌，令Vivian不禁表示係天上掉下來嘅禮物。
小野麗莎邀請咗徐若瑄擔任嘉賓。
呢次合唱嘅兩首歌，分別係Vivian首度參與作曲、寫畀fans嘅《翅膀/翼》，同埋佢自己填詞，獻畀已逝父親嘅《別人的》，對於呢次嘅合唱，Vivian唔好意思咁話：「對小野老師特別不好意思，因為又是閩南語、中文、又有日文的，讓老師非常忙碌。」

小野麗莎表示Vivian為咗令佢更易瞭解兩首歌曲背後嘅故事，對方特意親筆用日文、英文寫咗封信，而小野麗莎睇完Vivian嘅信後，再搵出相關片段嚟睇，令佢當場感動落淚，小野麗莎表示：「聽到《別人的》，讓我父親在台南的記憶完全湧現。他曾經陪著我一起來到台灣，看著我走上大舞台被歌迷喜愛，今天在高雄有幸一同演唱這首歌曲，是冥冥之中的安排，我想我很幸運。」
 Vivian稱可以同小野麗莎合唱太夢幻。
小野麗莎曾不畏疫情去到台灣公演，仲因此而被封「療癒女神」，而當時佢嘅演出場次更係座無虛席，對此小野麗莎說：「我真的很感動，所以選擇將我35週年世界巡迴演唱會第一場就定在台灣。很多人在我的音樂中療癒自己，現在終於可以脫掉口罩，完全放鬆心情在音樂裡，是多麼幸福的一件事情！」
Vivian為咗令小野麗莎更易了解兩首合唱歌，所以寫親筆信為對方解說。
今次演出小野麗莎亦不忘提攜後輩，9歲嘅天才大提琴手陳多多（Hamorny Chen）更係每站嘅固定嘉賓，小野麗莎特別為觀眾介紹多多，表示兩年前嘅台灣巡迴，多多係佢最細嘅嘉賓，但2年後對方已經成長為世界級嘅大提琴家。