鄧卓殷巴塞隆拿回港奔喪幾經波折 趕上最尾1秒見公公最後一面

計劃往往趕不上變化，旅行常見發生突發狀況亦層出不窮，一時三刻未必能夠妥善應對，郭子豪同未婚妻鄧卓殷（Amber）經常結伴外遊，不時喺IG貼出靚相，前日Amber喺社交平台分享由巴塞隆拿趕回港奔喪經歷，先係航班因技術問題要取消，然後航空公司出錯機票「JUN（六月）」變咗「JUL （七月）」，最後趕到喪禮見公公最後一面。
噚日Amber喺社交平台分享由巴塞隆拿趕回港奔喪經歷，先係航班因技術問題要取消，然後航空公司出錯機票。

Amber本來訂6月3號晚上到港嘅機票，由於巴塞隆拿冇直飛香港嘅航班，佢哋要趕時間轉機，點知原定航班首先延遲咗1小時登機後遲遲未關機艙門，當時Amber超級焦急，怕趕唔到下一班轉機，因為佢要趕回香港出席公公喪禮，佢即刻搜尋另一班機，希望確保準時回港，當機長宣布航班因技術問題要取消， 工作人員知佢哋因急事須盡快回港，為佢哋預先安排其他航空公司最快嘅機票。

郭子豪同未婚妻Amber經常結伴外旅，不時喺IG貼出靚相。

Amber等到凌晨4點終於收到朝早機票嘅confirmation，佢哋就安心休息，點知check in先發現機票出咗問題，航空公司訂票將「JUL」睇錯成「JUN」，幫佢哋訂咗下個月機票，Amber心情即刻跌落谷底，「結果這班唯一對上時間的飛機都已滿」，立刻搜尋搵到一班直飛深圳早上7點40分落機航班，航空公司幫佢哋轉機票，但過程又再次出錯。

Amber好感謝未婚夫郭子豪冷靜解決問題，陪佢一齊經歷呢一切。

幾經波折先終於訂到機票，郭子豪同Amber成功上飛機又再延遲咗兩小時先起飛，到達深圳，即9秒9速度過關攞行李坐中港車到香港， 公公喪禮儀式於早上11點開始，佢11點03分到達現場，喺最尾1秒趕上見公公最後一面。Amber好感謝未婚夫郭子豪冷靜解決問題，陪佢一齊經歷呢一切，而郭子豪亦Man爆回覆：「有我在。」
郭子豪2019年同港姐亞軍Amber愛得高調，已到談婚論嫁階段，Amber依家開始籌備婚禮，但婚期未定。