邊佑錫見面會派福利反串Cosplay 被fans應援驚喜感動爆喊

韓國新晉男神邊佑錫，呢日首度喺台北舉行兩場fans見面會，與共3,000粉絲狂歡。有啲怕羞嘅邊哥，出場時仲學咗幾句中文同大家打招呼呀！

當邊哥被問到知唔知自己點解咁受歡迎？佢就話自己都好好奇大家鍾意佢啲咩，仲叫翻譯幫手問下台下一眾fans鍾意佢啲咩，fans聽完當然又係一陣尖叫聲啦！當聽到有fans話因為佢又可愛又帥氣時，邊哥仲面紅紅咗多謝大家呀。

為咗回饋fans，邊哥仲反串Cosplay動漫人物，抽幸福fans上台合照；而去到第二場見面會時，fans為邊哥準備嘅應援驚喜，更加令邊哥感動到爆喊呀！