志偉夥老友打慈善高爾夫 詳解《繁花》播原聲版細節《港姐》報名增3成

福幼基金會 呢日邀請咗一班嘉賓好似 黎瑞恩 鄧梓峰 元彪 陳柏宇 等一齊現身 清水灣鄉村俱樂部 邊打波邊行善，不過原定嘉賓名單中嘅 陳百祥 罕有失場，日前佢同明星足球隊於內地友誼賽時，被指起腳蓄意踢對方隊員，事後仲被球證黃牌警告，志偉呢日就幽默回應，指阿叻一向唔輸得咁話喎。

TVB近日播出 王家䘙 嘅劇集作品《繁花》，不過就有別於過往外購劇方法，以原聲上海話同普通話版播出，令部份觀眾不滿。而志偉就指非常同意同支持王家衟保留原汁原味嘅建議，仲曾同政府部門協商，最後以尊重原創之下作出雙語廣播決定。

佢又指可能對本港觀眾收睇時帶來少少不便，但係認為原聲上海話更有味道，又指購入播放權貴都值得呀。而另一重點節目《2024香港小姐競選》啱啱截止報名，志偉指報名人數比去年多3成之餘，亦相對年輕化。

早前喺飯局獲志偉邀請出席嘅元彪，呢日對外傳成龍被指一頭白髮衰老唔少，就回應指老友一向努力又堅持，又回應早前被內地短片指拒絕簽名嘅消息。