周吉佩 日前推出新歌《Falling For You》，一班吉S粉早已自發行動為偶像宣傳，喺各區準備應援燈箱俾歌迷打卡，可惜吉吉因為近日工作繁忙，未能同粉絲一齊參與，呢日吉吉自己偷偷去到各區尋找應援燈箱打卡，多謝吉S粉既支持，好開心及感激粉絲為佢做嘅一切。
吉吉自己都好勤力喺網上為自己打歌，又發起Dance Challenge，同中聲以及圈中朋友一齊跳新歌嘅舞步，更大讚顏志恒(Benson)好勁，只係用咗半小時練習舞步，就跳得似模似樣。連獎門人曾志偉都有份跳舞拍片為吉吉宣傳新歌，仲一take過完成，認真犀利。
吉吉稍後會喺新歌發布會中首度現場唱跳新歌，佢仲呼籲粉絲們事前練習，可以喺台下一齊互動，吉吉更加期待嚟緊中聲1嘅演唱會上演繹新歌，喺更大場地同觀眾搞氣氛。雖然演唱會在即，但吉吉對表演內容依然口密大賣關子，只肯鬆口透露會同一位中聲2嘅舞王合作，而自己就視跳舞為最大挑戰，排舞令佢覺得有啲辛苦。
