《流行都市》女神 姚嘉妮 早前宣布同 林祖輝 離婚，結束18年婚姻，嘉嘉只係透露兩夫妻和平分手，唔涉及第三者，但未有透露太多婚變內情。喺消息爆出後，嘉嘉一直放假未有現身工作，呢日佢亦終於喺自己嘅社交平台貼限時動態同埋靚相，透露自己最近頻頻去玩，似係去散心。
其中一輯相展示同小朋友去泰國旅行，嘉嘉喺夕陽下大騷長腿，面帶笑容心情唔錯，佢更留言話：「小小的假期為自己和小朋友一齊义义（叉叉）電，打打氣！終於回來了，嚟緊嘅日子，工作已經排得密麻麻！我一定會更加努力去工作，更加努力做好自己嘅本分！多謝大家一直嘅關心同支持，你哋嘅祝福已經轉化為我嘅力量，多謝大家！love you all」
而另外一輯相透露喺泰國佢同囝囝去體驗床椅戲院，仲搞笑話座椅有按摩功能相當之正。而唔少網友亦留言為嘉嘉打氣，其中楊茜堯喺靚相度點讚之外，仲有留言話「Love you dear」支持嘉嘉重新出發。
