韓國天團 HYUKOH 與台灣樂團落日飛車發布嘅新專輯《AAA》本週釋出，發布歌曲《Antenna》，令人意想不到嘅亮點，係歌曲MV竟然搵嚟男神 許光漢 同王菲女兒 竇靖童 呢對神級配搭合作，驚喜同新鮮度爆燈，迅即成為各大傳媒焦點，兩人更封為「神仙組合」。
喺MV中嘅劇情橋段、鏡頭同剪接都非常奇異，同一般嘅製作好大分別，無論衣著場景都由科幻中帶出一種超現代感覺，光漢同童童亦有唔少埋身動作，好似一幕喺家中光漢就要從後環抱童童，之後童童就雙手舉起，臉帶微笑做出一個大隻佬姿勢，見童童真係手瓜起𦟌，之後光漢就匿喺童童身後，有好大想像空間，感覺有趣，而光漢亦近距離用手指篤童童嘅臉珠，樣子好奇。除此之外，兩人都有落水濕身嘅畫面。
對此落日飛車嘅主唱兼結他手國國(曾國宏)表示：「MV早上九點開拍，第一個鏡頭就是光漢要落海，童童也為了這個MV下水拍攝，我真的太不好意思了，於是就在旁邊講笑話給大家聽。」
