鄭雋熙經歷官司全無怨言 林穎彤加分認有發展空間

林穎彤 同被捲入JPEX案嘅 鄭雋熹 早前被控「在醫院作出出擾亂秩序的行為」，案件7月8號喺粉嶺法院續審。佢哋喺朝早9點前先後抵達法院應訊，鄭雋熹作供時否認控罪，而佢被盤問期間提到案發經過時候，Bella一度激動眼濕濕用手抺眼淚。

Bella喺離開法院時話眼濕濕係覺得連累咗鄭雋熹，因為當日只係相約咗食飯，以致對方喺現場出現。Bella話經歷咗呢件事之後，身邊有位咁有義氣嘅朋友，之後會再約多啲食飯。

啱啱修讀完營養學嘅Bella，透露下星期起會修讀素食營養學，而生意方面一直忙碌中，由於知道呢個禮拜要上庭作供，所以都調動吓生意安排，等自己有足夠精神上庭。

事後至今經已接近一年，Bella亦話同鄭雋熹經歷呢件事後感情昇華，問到有冇發展空間，佢就指一定有，仲公開對男方加分，因為發生咁多嘢，男方無半句埋怨，不過佢就話一切等官司完咗先再講，因為自己都好擔心官司。

獲Bella大讚嘅鄭雋熹步出法院後，得知Bella喺佢作供時眼濕濕，佢就話可能係眼乾，會送支眼藥水畀Bella。