森林女王｜文家軍佐治黨鬥到荒野 弱肉強食為野生紀錄片配音

見到揸住杯奶茶嘅飛爺 鄧智堅  同Cathy 高海寧 並唔係新一輯《新聞女王》已經開拍，而係佢哋為紀錄片《森林女王》聲演而拍攝嘅預告片，今次 馬國明 同 陳曉華 一樣有份加入，由編輯部轉到去錄音室，佢哋今次唔止人事鬥爭咁簡單，仲隨時真係弱肉強食有生命危險呀。

文家軍同佐治黨今次化身成為唔同野生動物鬥到去野外大地，今次聲演獵豹媽媽嘅高Ling，仲話要加入Cathy嘅狠勁，不過單單以聲音演繹，就令佢感覺到一定難度，仲話配音唔易搞到非常肚餓咁話。

雖然今次只係配音，不過阿堅就黐埋鬚重現飛爺嘅陰險，扮演一樣咁陰濕嘅獵狗，佢仲話經過《好聲好戲》嘅洗禮，自己就學到唔少嘢再加以套用喇。

而同樣係獵豹仲係高Ling囡囡嘅Hera，邊配音就邊手舞足蹈非常肉緊，呢次體驗就令佢覺得非常有趣喇。而萬獸之王獅子就由馬明扮演，佢仲幻想有機會可以為動漫配音，覺得非常好玩，仲話一定要負責奸角呀。

《森林女王》7月15號起 星期一至五晚 21:30 翡翠台