下個禮拜三（17號）就係今屆DSE放榜嘅日子，唔少應屆考生就好似同Yumi鍾柔美一樣，難免會為放榜日子逼近而緊張。喺緊張心情下，佢哋同時要面對同一班相處多年嘅高中同學各散東西。
Yumi同一班高中同學近日放低放榜心情，盛裝出席學校嘅謝師宴，Yumi以黑色露肩貼身裙，露背兼騷長腿非常吸睛，充滿女人美嘅Yumi頓時成為全場焦點，佢亦喺社交平台分享出席宴會後嘅心情：「每一個結束，都會係另一個新開始，我好榮幸能同你哋一齊享受我最後嘅高中時光。生活可能會有起跌，但如果你有信念，請保持呢份信念繼續奮鬥。」
鍾柔美露肩貼身裙赴謝師宴 散發女性體態美成全場焦點
