《中年好聲音》歌手羅啟豪同顏米羔呢日喺商場舉行Busking為保良局籌款，吸引大批粉絲到場支持。兩位分別演唱《准我》、《今天等我來》、《傾城》、《時代曲》，令粉絲聽得不知幾冧！
兩位《中聲》歌手人氣極高，每次有公開活動，粉絲們會出盡全力支持。兩位感激大家之餘亦覺得非常窩心，米羔見到大家次次提早咁多到場，個心會感到唔好意思，好似浪費咗大家好多時間。
啟豪就非常感恩有各位粉絲支持，加上呢日活動係以善事為目的，所以更有意義。喺進行訪問期間，兩位粉絲亦盡顯貼心一面，一直用小風扇幫大家降溫，真係好Sweet啊！