肥媽Maria Cordero 最近因一事相當勞氣，事關發現有不法之徒盜用佢嘅肖像喺網上𧶠減肥產品，更有粉絲向肥媽反映已受騙，對呢件事肥媽要鄭重喺受訪呼籲大家切勿受騙，仲坦言話自己代言減肥用品呢件事經已係匪夷所思:「減咩鬼嘢，我十幾年前曾代言嘅減肥公司都已經執粒，我依完全冇代言任何減肥產品。」
肥媽覺得最動怒嘅點就係已經向社交平台投訴，但相關不法嘅品牌因投訴被落架後，過一排又死灰復燃，已經困擾咗肥媽近兩年，表示報警也沒用，因為不法之徒使用假帳號，因為多次投訴無門，所以肥媽向我哋求助，希望報道出來，令大家多加警剔。
肥媽坦言平日代言前相當小心精選產品，必定經過自己或家人試用，確信有效之後始接代言工作，呢次被不法之徒盜用相片同影片賣假廣告，更令肥媽擔心聲譽受影響。