吳千語Karena同百億富三代施伯雄Brian於去年12月16號喺親友見證下舉行證婚儀式，正式結為夫妻後，兩人計劃於今年8月到歐洲正式舉行婚禮。近日網上傳出兩夫妻會喺意大利時間8月3號晚舉行婚禮，更曝光咗疑似晚宴地點及千語同老公婚宴嘅禮服手稿圖。而日前千語的確喺社交平台心分享咗一條結婚伴手禮盒開箱嘅段片，夫唱婦隨作介紹，與婚禮在即說法不謀而合。
雖然千語同施伯雄將婚期以及地點都保密，但最近有眼利嘅粉絲已經發現千語的嘅圈中好友陸續飛往歐洲，其中胡杏兒日前更公開提及自己將飛往意大利參加婚禮，仲叫網民幫佢揀選心水服飾。
網傳千語同施伯雄特意揀選喺意大利有最美小鎮稱譽嘅地方Tuscany(托斯卡納)嘅莊園borgo san felice舉辧婚禮，呢個地方以優美連綿田園風光文名，座擁美麗風景及有豐富藝術遺產建築，亦係當地具代表性嘅旅遊勝地之一，符合千語早前所公開嘅希望主題以復古、浪漫氣氛搞派對。
千語嫁入豪門前曾經同唔少圈中人拍拖，最廣為人知嘅必定係同林峯一段情史。二人喺2013年高調認愛，林峯對千語作出「七愛宣言」，公開表示「我好愛、好愛、好愛、好愛、好愛、好愛、好愛BB！」，「千語BB」嘅稱號因此得來，雖然如今兩人已經各有所愛覓得幸福，但呢個趣聞就從未令人忘懷。
