日前先現身TVB奧運直播室嘅 李克勤 正式加盟內地綜藝《披荊斬棘》嘅新一季，同 向佐 沈震軒 日本男星 黑澤良平 仲有 胡夏 台灣歌手 韋禮安 等合作。節目日前正式播出，克勤喺主題曲MV表現一如既往從容，又指自己目前正係轉型拼搏嘅年紀咁話。
克勤唔止係32名參加新一季節目嘅一員，更係最年長嘅大哥，不過克勤就指自己呢次「有備而來」，為節目做定充足準備。而克勤同各位嘉賓嘅互動亦趣味十足，好似焦邁奇同克勤首次見面時，誤將佢認錯為譚詠麟，事後焦邁奇亦喺社交平台道歉，而本身一樣有「面盲症」嘅克勤就表示非常理解。
今季除咗個人舞台之外，節目將加入「團show舞台」，克勤與梁龍同組唱跳《無價之姐》，網友收到消息後都非常期待。克勤仲希望以全新的姿態挑戰自我，於節目有更多嘗試同突破。