何廣沛近排忙住喺內地拍TVB新劇《金式森林》，劇情講珠寶業豪門家庭掀起爭產風波，適逢8月3號係何廣沛36歲生日，一班劇中演員輪流為壽星何廣沛慶祝，而圈外女友Sarah亦有做跟得女友，為何廣沛準備咗一個足球主題嘅蛋糕。
相中見何廣沛冧爆分享呢份喜悅，而蛋糕除咗有愛隊logo，更印有二人嘅甜蜜背影相，該相係早前二人去英格蘭入場睇曼聯比賽時所拍攝，難怪何廣沛讚呢個係「THE BEST cake ever」。 
而同劇嘅羅天宇、江嘉敏、陳曉華、陳星妤及陳浚霆等，踏正12點亦突襲何廣沛嘅房間，捧住蛋糕畀對方一個生日驚喜，眾人企晒喺房門外，何廣沛房間內就似乎係女友為佢揸機全程拍攝，何廣沛則露出驚喜又尷尬嘅表情，女友亦有幫佢哋眾人影合照。
