方媛（Moka）同郭富城結婚7年感情恩愛，二人育有一對可愛女兒。而喺8月5號晚，城城就喺社交平台出Po放閃，曬出二人甜蜜合照並撰文：「親愛的老婆生日快樂！祝妳工作順利，身體健康。」祝賀太太37歲生日快樂。
不過呢餐生日飯就並唔係城城同Moka二人世界撐枱腳，佢哋兩個囡囡Chantelle、Charlotte亦有在場。喺Moka分享嘅四張合照可見，平時型爆嘅城城難得有扮可愛一面，而一家四口嘅全家福合照顯盡溫馨之情，Moka亦寫道：「生日晚餐有2個小調皮。」睇字都感受到幸福滿瀉！
其實Moka正確生日日期喺流傳過多重版本，根據Moka曾經喺社交平台分享，自己係生日係1988年6月11日，但喺佢同城城擬結婚通知書所顯示嘅生日就係1987年7月6日，而最新顯示嘅生日日期就係8月5號！
