詹天文月底接受新生軍訓 鍾柔美升學去向未有定案

鍾柔美（Yumi）、詹天文（Windy）呢日現身一個DJ選拔活動，雖然兩位最近不時捱夜追睇奧運賽事，但喺活動上跳起舞仍然生龍活虎。Windy決定往廣州升學，已開始列清單購買當地生活用品，而佢喺月底去學校報到並接受2星期新生軍訓。

Windy對新生活大感期待，又坦言雖然唔係好想去軍訓，但自己會想嘗試一下；至於決定留港升學嘅Yumi，目前仍未定好升讀咩科同院校，Yumi自認對自身要求嚴格，對揀校會更加認真。

同場出席活動嘅仲有區瑞強（Albert），對於細佬區瑞明參加《中年好聲音3》海選獲評審一致好評，Albert話自己都有鼓勵細佬，笑言如果細佬晉身100名以內就已經好足夠。