五月天日前喺太原舉行演唱會，同18萬粉絲狂歡咗四晚，喺尾場天氣轉壞，突然落起暴雨，五月天撐起雨傘，如常繼續演出，阿信仲話「雖然在這麼大的雨裡，但是我們要告訴你，我們一首歌都不會少唱。」
變晒落湯雞嘅粉絲，紛紛佈以歡呼聲，阿信仲話喺咁大雨下，依然有心情聽佢哋講嘢嘅人，一定係佢哋嘅鐵粉。無錯﹗五月天嘅粉絲，真係非常忠心，當中有一位粉絲，就話自己之前去香港睇演唱會，已經覺得雨好大，但估唔到太原嘅雨更大，但係呢啲都唔係問題，因為佢同五月天不見不散。而呢晚五月天就請嚟告五人擔任表演嘉賓，佢哋仲一齊合唱《愛人錯過》，掀起全晚高潮。
