日本女星廣瀨鈴，日前化身運動員拍廣告，其實運動同廣瀨鈴真係密不可分架，事關廣瀨鈴讀書時，已經加入籃球隊，而日前佢仲被當地電視台委任為籃球應援之星，去到巴黎奧運為日本對德國嘅籃球賽事，擔任評述同主持。
而呢日佢又有機會化身籃球員拍廣告，廣瀨玲話自己已經好耐無打籃球，唔知自己仲郁唔郁到，但佢最開心就係可以再次着返日本隊各款戰衣，佢話自己自從初中打籃球比賽之後，已經好耐無着過啦，呢次再着返當然勾起佢唔少喺球場作戰嘅回憶啦。除咗熱愛打籃球之外，廣瀨鈴對足球都好有興趣，所以有時間，佢都有關注球賽，尤其今年奧運，佢就最留意足球同籃球嘅賽事啦。廣瀨鈴仲好有創意，用「好波」嚟比喻早收工嘅興奮心情，果然夠晒貼切呀。
