翁虹同囡囡劉蒔（小水晶）嘅感情相當好，兩母女會經常一齊拍片，呢日小水晶就拍片講下有個凍齡女神媽媽係種咩體驗，同時又公開媽媽私底下嘅形象係點嘅。
小水晶喺片中話媽媽翁虹喺螢幕中同喺佢身邊，係兩個完全唔同嘅形象，平日喺屋企翁虹係一個大頭蝦，出門唔係唔記得換鞋，就係唔記得拎鎖匙。小水晶又指媽媽喺上綜藝、演電視劇同影雜誌時，都會表演出唔同專業嘅一面，但私底下嘅翁虹，係會為咗追劇而忘記咗自己做緊家務。
雖然睇落條片好似係咁數媽媽嘅不是，但其實小水晶想講自己同媽媽嘅感情相當好，平時翁虹除咗會好似姊妹咁同佢一齊逛街外，亦會同佢一齊做好多事，最重要係佢話媽媽係自己嘅閨蜜、自己嘅老師、亦係世界上唯一同佢共享過心跳嘅人。
