韓國人氣女子組合 ITZY 四位成員 Yeji、Ryujin、Chaeryeong 同 Yuna 星期六再次於亞博舉行演唱會﹐演唱前特別到商場同歌迷近距離見面，吸引逾千人逼爆現場。
四位成員一現身就以廣東話同大家打招呼，之後即分享今次巡演嘅內容，成員Yeji表示用心準備好多表演，希望透過舞台同Fans溝通，而Ryujin就透露新專輯歌曲都由成員作曲作詞、演唱會亦有成員嘅Solo舞台，又大讚香港MIDZY嘅熱情應援。
當談及香港美食，成員就興奮搶答，Yeji大讚香港蛋撻好味，仲希望可以品嚐曲奇同酥皮兩種風味。而Ryujin同Chaeryeong就對雲吞麵有極大興趣，至於Yuna就希望一試牛油餅乾。
ITZY幾位成員又現場哼起《Not Shy》嘅歌詞同台下嘅MIDZY互動，然後又以廣東話「多謝」Fans支持。對巡唱到最後一站，佢哋再分別以廣東話感謝本地Fans支持，Yura同Ryujin就講「我鍾意」同「好幸福」，而Yeji同Chaeryeong就以「心心」同「愛你哋」冧大家喇。