王鎮泉 Jeoffrey 每星期為你提供新鮮熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。
洪嘉豪喺《蠟筆小新：我們的恐龍日記》擔任粵語聲演新角色「熱血青年比利」，洪嘉豪亦覺得跟自己性格好似，鍾意一樣嘢係可以好沈迷，洪嘉豪要挑戰《蠟筆小新》常識題！
本周新片有《異形：羅穆路斯》由「異形之父」列尼史葛監製，重金營造7200秒窒息密閉廝殺凶間，講一群年輕殖民者為求生存，誤闖廢棄嘅神秘異形繁殖基地，最終邊個逃出異形大屠殺？
《老嘢時速》講精叻嘅花媽婆婆一日收到詐騙電話，為救乖孫先付一萬美元，畀咗「贖金」後方知被搵笨，決定親自出馬追數追到天腳底；《鬼才之道》劇情由沒落都市猛鬼傳說展開，過氣星級厲鬼與鬼經理人為咗不被時代淘汰，決定透過一個毫無鬥心嘅廢青女鬼扭轉乾坤……
《男航女機師》講貴為人生勝利組嘅飛機師韓正優因一時失誤令事業愛情兩失意，更慘被航空界列入黑名單，為咗再次衝上雲霄，佢冒充妹妹「韓正美」重新應徵機師竟然順利獲得錄取！
至於本周票房龍虎榜截至X月X日中午，第三位《電影多啦A夢：大雄之地球交響樂》；第二位《玩轉腦朋友2》；第一位《死侍與狼人》。