音樂學院出身樂壇新人 張光宇 ，因為參加歌唱比賽而被發掘，呢日佢上電台宣傳首支單曲《蕩失路》。身為今年男新人嘅Ian，都話無諗過自己可以咁快出道，講到呢首新歌，Ian話係自己作曲，亦係自己寫照，就好似人生一個過程，迷失中找尋答案，亦希望藉住呢首歌勉勵大家。
由於係自己首支作品，所以喺推出前佢都考慮咗好耐，仲擔心作品達唔達標。Ian話自己仲未適應歌手嘅身份，但係亦因為對音樂嘅熱誠，令佢充滿勇氣，佢膽粗粗向大師級音樂監製Eric Kwok 比意見，估唔到Eric真係比咗唔少Feedback佢，令Ian都好感恩呀。