黃子華 近年除咗成為破億票房男主角，洗走污名之外，多年來佢嘅楝篤笑表演一樣深入民心，呢日佢就同 劉嘉玲 一齊宣佈，將會於舞台上合作名作，子華神仲話呢次完全係由神安排下先促成到呢次合作呀。
佢話原定係邀請舞台劇界演員合作，仲已經洽談去到落實階段，但係就突然有神之聲喺腦海湧出「劉嘉玲」三個字，令佢臨崖勒馬。而嘉玲收到邀請之後亦考慮咗一段長時間，最後都要靠子華林涼水加余樂天上身扭盡六壬，最後嘉玲先首肯參與咋。
今次劇作將跨年演出40場，雖然體力上嘉玲話毫無難度，不過要演繹好角色佢就指完全唔易，仲要犧牲至愛滑雪，不過子華就搞笑話自己同樣犧牲唔少喇。劇目以婚姻為主題，兩位就分飾離婚專門律師，當中就會有唔少離奇有趣怪嘅故事呀。
呢次仲包括 楊淇 楊思敏 同 梁浩邦 一齊參與演出，佢哋就話面對子華同嘉玲非常緊張，仲話有機會同兩位經驗背景強大嘅前輩合作非常開心呀。
