成日有大膽想法嘅阿Bob 林盛斌 近日唔止正身處澳洲北領地拍攝新節目，熱播嘅《法證先鋒VI》當中，佢亦扮演法證部嘅高級化驗師兼代理總化驗師陶總，仲吸引唔少人討論，有見及此，阿Bob就搞笑指已經同製作單位商量好，將大家都好似好鍾意嘅「陶總」獨立開拍一個50集前傳，由佢擔任男主角，劇名仲會叫《髮線先鋒》咁話。
不過多年來阿Bob都係以佢渾圓嘅光頭示人，就算不時喺扮演唔同角色時戴上假髮，搞笑之集都總係覺得格格不入，唔多襯佢嘅形象，唔知到底呢輯《髮線先鋒》，身為男一嘅Bob爺又會搵邊個髮醫幫幫手，搞搞佢嘅髮型咁呢？