金枝慾孽廿周年｜宮鬥如辦公室暗戰 神劇帶起後宮劇熱潮

將妃子爭鬥同官僚爾虞我詐拍攝演繹皆淋漓盡致嘅《金枝慾孽》，轉眼已經播映20周年，當年呢套宮廷神劇每一部份製作都力求完美，播出後贏盡收視同討論，角色真真假嘅是非定係娛樂式宣傳，都一直為人討論，其中有如現代辦公室文化假面具嘅表達，更令唔少觀眾非常有代入感，事後東南亞同海外轉播一樣紅到爆。

幾位花旦包括安茜張可頤、玉瑩黎姿、如玥鄧萃雯同埋爾淳佘詩曼之間嘅過招爭鬥，有人認為掀起內地後來嘅連串近似主題作品風氣，近日雯女喺社交平台出Post紀念，就指呢套神劇唔止宮鬥咁簡單，更係「講述人性嘅自我鬥爭，亦同時同命運抗衡」。