鄭欣宜神隱多時突被傳已誕子 經理人公司四字回應傳媒

去年3月再登紅館展開個人演唱會後即告「失縱」嘅 鄭欣宜 ，日前被Fans於香港街頭巧遇，面帶微笑狀態不俗嘅佢，仲同Fans合照，亦傳出佢即將重新出發復工嘅消息。

去年欣宜突然「消失」，當時外界有傳佢因為情緖問題需要休養，經理人公司亦曾出聲明指欣宜當時正「養病、療傷之中」。

而呢日欣宜現身香港，又再傳古怪傳聞，指欣宜突然神隱年多，係因為同男友低調到加拿大生小朋友，近來仲不避嫌一家三口外遊云云，甚至話佢嘅髮型師Benjamin亦只係當中嘅煙幕等等，傳言四起。而經理人公司回應傳媒查詢時，對傳聞都只係以「笑話一則」回應，未正面確認欣宜將來復工嘅消息。