《巨塔之后》布拉格外景殺青 馬國明大合照再現表情包

宣萱、蔣家旻、陳楨怡等早前出發到布拉格拍攝重頭劇《巨塔之后》嘅外景，11號官方喺微博發出劇組嘅殺青相，當中包括團隊於布拉格嘅殺青照片。

宣萱、鍾鎮濤、蔣家旻、吳若希、劉佩玥、馬國明、蕭正楠、張頴康、陳楨怡及 總監製鍾澍佳等，同劇組一齊喺一座疑似係城堡外舉杯合照，而由相中眾人服裝打扮睇嚟，佢哋似係拍完一場舞會/婚禮嘅戲份。相入面眾人都笑得相當燦爛，但惟獨馬國明擺出一個呆樣，難免令人聯想起佢網上有名嘅表情包。