徐少強月初內地病逝 少妻心臟病哀傷猝逝

演出唔少知名武俠劇嘅 徐少強 據報月初於北京因食道癌病逝，終年73歲。其女 徐穎堃 以一曲《你是我今生唯一傳奇》哀悼亡父。

消息指徐少強近年主力於內地拍攝劇集，亦定居北京。2005年再娶一名年輕30年嘅內地妻子，兩人育有一對子女。惟徐大俠離世後，忙於辦理後事與照顧子女嘅太太，疑哀傷過度，辦妥後事後竟告心臟病發去世，令人不勝唏噓。

徐少強70年代加入影壇，當年武俠古裝片盛行，身為龍虎武師嘅佢順理成章演出大量作品，亦因而有「大俠」暱稱。佢參與演出麗的電視嘅《天蠶變》扮演「雲飛揚」，令佢聲名大噪，仲令當時無綫要緊急變陣對憾，不過之後亦因口碑佳電視台欲添食，因與片約時間安排有衝突而令雙方公司發生爭拗，最後電視台決定易角續拍。

「大俠」多年來拍攝逾百部作品，演出之外亦成立過唔同製作公司，近年參演 周星馳 嘅《武狀元蘇乞兒》令人印象深刻。佢一生中曾有三段婚姻，同女星 雪梨 嘅婚外情最為外界矚目，一對子女徐偉棟同徐頴堃繼續父業加入娛樂圈任職幕前，雙方1988年分手收場。