顏米羔與歌迷中秋送暖 伴基層家庭齊過佳節

中聲二唱將 顏米羔 趁住中秋佳節，同歌迷一齊出動做義工，向有需要嘅家庭送物資。米羔唔單止向婆婆講解物資用法，仲送上燈籠同埋月餅應節，氹得婆婆不知幾開心。

另外米粉們亦同慈善機構舉辦大型飯局，請基層家庭一齊食飯，而米羔嘅家人亦有到場支持，大家咁開心，米羔當然亦獻唱助興，佢就揀咗《祝福》同埋《憑著愛》兩首歌，唔單止好有意思亦都好warm。呢次嘅活動係米粉們自發性發起，可以感染到粉絲們樂於行善，熱心投入，米羔都覺得好欣慰。