金宇彬公開抗癌經歷 新作超打得與金成均成好友

2017年 確診鼻咽癌嘅韓星 金宇彬 近日出席新作宣傳時，公開自己當時患病嘅經歷同心情，當時醫生仲曾指佢只剩得半年壽命。不過經過兩年積極抗癌治療後，佢已經康復重返幕前，今次仲扮演一名精通劍道、跆拳等功夫嘅高手，樂觀角色仲同佢過往演出有好大反差呀。

金宇彬呢日宣傳新作時，透露年前患癌嘅經歷
呢日佢又提到為演出強壯嘅角色要增肥8公斤，仲因為要配合角色唔使去水腫每日可以直接開工，希望觀眾會留意到角色日漸改變嘅細節喎。今次佢同 金成均 首次合作，不過就有傾注唔完嘅話題，日傾夜傾冇時停，令相處同拍攝氣氛都變得更加好呀。

佢同金成均首次合作，但係拍攝時就非常投契